Plantun de Prouvènço

Pèr coumpara dos planto d'encò nostre

Myosotis stricta & Valeriana rotundifolia

Te-vese-e-t'ame(-rege)

Myosotis stricta

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis raide, Myosotis droit.

Descripcioun :
Aquéu te-vese-e-t'ame di cambo bèn rejo, se destrìo dis autre emé si pichòti flour bluio (1 à 2 mm), si flour quàsi sènso pecou e si péu en crouchet darrié li fueio. Li fueio soun quàsi tóuti à la baso. Vèn bèn dins li relarg safranous (aqui fotò dóu cresten de Ventour).

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : Pancaro entresigna
Fueio : basalo
Tipe bioulougico : Pancaro entresigna
Cicle bioulougico : Pancaro entresigna

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : Pancaro entresigna
Flourido : Printems

Sòu : Si
Autour basso e auto : 0 à 1800 m
Aparado : Noun

Liò : Terraire safrous - Mountagno mejano
Estànci : Pancaro entresigna
Couroulougi : Pancaro entresigna
Ref. sc. : Myosotis stricta Link ex Roem. & Schult., 1819

Valeriano(-di-fueio-redouno)

Valeriana rotundifolia

Caprifoliaceae Valerianaceae

Nom en français : Valériane à feuilles rondes.

Descripcioun :
Aquesto valeriano trachis dins li relarg ensouleia de mountagno souvènt sus d'esboudèu ounte fai tipicamen de mato denso. Coum'acò poudès la destria de Valeriana montana qu'èi procho. I'a peréu li fueio que soun un pau verdalo e en cor à la baso pèr Valeriana rotundifolia alor qu'èi pas lou cas pèr Valeriana montana. Valeriana tripteris tambèn ié sèmblo, fau bèn regarda li fueio de la cambo que soun proun diferènto, emé tres fueioun. Coumpara emé la valeriano-de-mountagno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Valeriana
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 800 à 2600 m
Aparado : Noun

Liò : Esboudèu - Roubino de mountagno - Marlo - Tepiero roucaiouso
Estànci : Mountagnard à Subaupen
Couroulougi : Ouroufito-Sud-Èst-Éuropenco
Ref. sc. : Valeriana rotundifolia Vill., 1787

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis stricta & Valeriana rotundifolia

Coumpara Te-vese-e-t'ame(-rege) emé uno autro planto

Coumpara Valeriano(-di-fueio-redouno) emé uno autro planto